Ligji për shtetësinë, VMRO-ja tenton të zvarrisë nisjen e seancës në Kuvend

VMRO – DPMNE ka bërë spektakël me procedurale në Kuvend, para se të fillojë seanca e komisionit për Mbrojtje dhe Siguri ku është Propozim Ligji për Shtetësinë. Për të zvarritur fillimin e seancës, disa nga deputetët e VMRO-së kërkuan fjalime procedurale me arsyetimin e njëjtë, për të kërkuar debat publik për këtë propozim ligj, shkruan Alsat.

I pari që kërkoi fjalim procedural ishte deputeti Antonio Millishovski. Ai tha se për shkak që ligji është me rëndësi të posaçme dhe nuk janë përfshirë të gjithë pjesët e shoqërisë në formulimin e Ligji, që sipas tij  duhet të përpilohet në mënyrë sa më të saktë.

“Në pajtueshmëri me nenin 145 për propozim ligj me interes më të gjërë. Komisioni për mbrojtje dhe siguri të organizojë debat publik me më shumë përfaqësues të institucioneve dhe OJQ-ve e cila do të mundësonte të kemi teskt më tl përsosur për shtetësi. Propozim Ligji për shtetësi ndodhet në lexim të dytë, pas marrëveshjes së pushtetit me opozitën shqiptare. VMRO DPMNE kishte dorëzuar 548 amendamente për propozim Ligjin për shtetësi, të cilat i ka tërhequr”, tha Antonio Milloshovski nga VMRO-DPMNE.

Nga ana tjetlë, Skënder Rexhepi nga ASH-AAA deklaroi se Ligji për shtetësi nuk duhet të politizohet. Ai tha se vetë ASH-AAA e ka dorësuar propozim ligjin me procedurë të shkurtër dhe jo pushteti, duke ditur peshën e ligjit.

“Pritni dëgjoni amendamentet dhe do të bisedojmë për atë që pajtohemi Tu japim përparësi interesave të hallexhinjve dhe të tejkalojmë interesat partiake. Kur do ti dëgjoni amendamentet, atëherë besoj se të gjithë do të dakordoheni për përmbajtjen e tyre”, tha Skënder Rexhepi, ASH-AAA.

Edhe deputeti i BDI-së Arbër Ademi tha se ky propozim ligj nuk duhet të politizohet dhe duhet mbështetet.

“Lidhur me këtë çështje njoftoj se do të mbështesim këtë çështje dhe kërkoj nga kryetari i Komisionit që të fokusohemi tek amendamentet dhe diskutimi për propozim ligjin”, tha Arbër Ademi, BDI.

Deputeti i Lëvizjes BESA, Fadil Zendeli tha se e drejta e shtetësisë lidhet me shumë të drejta tjera të qytetarëve dhe fokusi duhet të jetë tek amendamentet.

“Apeloj që të hapet debati për amendamentet. vlerësoj se nuk është momenti për debate publike. Propozim ligji është në fazë për tu diskutuar amendamentet dhe ne të deklarohemi për atë që vlerësojmë. Deputetët e VMRO-DPMNE-së janë vonë me propozimin për debat publik. Nëse pengoni punën e parlamentit dhe komisionit dhe atëherë pamundësohet që deputetët të shprehin qëndrimet e tyre”, tha Fadil Zendeli nga Lëvizja BESA.

Pas marrëveshjes së arritur mes deputetëve të shumicës dhe opozitës shqiptare, për propozim ligjin për shtetësi janë dorëzuar 10 amendamente të cilat duhet të kalojnë në komision.

Kryetari i Komisionit për mbrojtje dhe Siguri, Mile Taleski kërkoi që 10 amendamentet e përgatitura tu dorëzohen VMRO-DPMNE-së dhe partisë “E Majta” që ti shqyrtojnë, e më pas të kenë mundësi të shprehen.
Për vazhdimin e seancës së komisionit do të vendoset përsëri.

Mefail Ismaili

LEXO EDHE:

Back to top button