Liverpulli me një emër befasues për stolin e trajnerit

Çabi Alonso, Roberto de Zerbi, Julian Nagelsman dhe Ange Postecoglu janë përmendur prej javësh, por një emër i ka kaluar të gjithë.

Bëhet fjalë për një njeri që papritur “kërceu” në vendin e pare, sepse skautët e “The Reds” ishin tashmë në lojë për të provuar të shihnin gjithçka që ai mund të bëjë. Po flasim për emrin e famshëm të futbollit portugez Ruben Amorim, një njeri që po bën një punë fantastike në stolin e Sporting Lisbonës.

Amorim ka krijuar një skuadër nga Sportingu që është përpara Benfika-s dhe Porto-s, që deri vonë ishte e paimagjinueshme për mundësi në futbollin portugez. Sipas “Daily Mail”, Liverpuli ka dërguar skautët për të monitoruar karakterin dhe veprën e Amorimit në një numër ndeshjesh, duke përfshirë fitoren e së enjtes në gjysmëfinale të kupës ndaj Benfika-s.

Përveç Amorimit, raportohet gjithashtu se kanë ardhur edhe skautët për të monitoruar mbrojtësin Ousmane Diomande, i cili mund të jetë zgjidhja për të ardhmen e Liverpullit në atë pozitë.

Sporting Lisbona e vlerëson mbrojtësin e tij në 70 milionë euro, por edhe kjo nuk duhet të jetë shumë e shtrenjtë për “The Reds”, të cilët në të kaluarën shpenzuan shumë para për përforcime, veçanërisht në mbrojtje.