Llazarevska: Vetëm VMRO-DPMNE-ja i gëzohet vetos së Bullgarisë
Qytetarët besimin e tyre ndaj qeverisjes së LSDM-BDI e treguan para nëntë muajve edhe atë në kohë pandemie, tha në emisionin “Rruga Drejtë” në Alsat, deputetja e LSDM-së Zhaklina Llazarevska. Duke folur për procesin e eurointegrimeve, Llazarevska tha:
“Qytetarët thanë se kjo Qeveri e drejton shtetin në mënyrën e duhur dhe se e përmirëson mënyrën e jetës në aspektin ekonomik, social…vetëm VMRO-DPMNE tani i gëzohet vetos së Bullgarisë. Nuk është e vërtetë se nuk kemi përparim, kjo mund të shihet në të gjitha raportet e Parlamentit Evropian, mund të shihet se duhet të marrim datë për fillimin e bisedimeve, madje kjo ishte edhe në raportin e Këshillit”, tha Llazarevska.
