Lojtari më i shpejtë në historikun e Premier Ligës që shënon 50 gola

Sulmuesi i Man. Sitit, Erling Haaland, është bërë lojtari më i shpejtë në histori të Premier Ligës që shënon 50 gola, duke thyer rekordin e mëparshëm të ish-legjendës angleze, Endrju Koll.

Haaland shënoi në minutën e 27-të në duelin mes Man. Sitit dhe Liverpullit, të shtunën duke e arritur këtë rekord në vetëm 48 ndeshje të luajtura, pas një asistimi nga Natan Ake. Ky ishte goli i 18-të i Haalandit në 20 paraqitje në të gjitha garat këtë sezon.

Sulmuesi 23-vjeçar, tani ka lënë prapa vetes shumë sulmues legjendar të Premier Ligës si Alan Shirer (56), Rud van Nistellroj (68), Fernando Tores dhe Mohamed Sallah (72), që të gjithë mbrapa Halandit kur flasim për më të shpejtin që ka shënuar 50 gola. 36 golat e shënuar sezonin e kaluar që ishte sezoni debutues për të në Angli, ishte rekord për një edicion të ligës.

Norvegjezi ka shkëlqyer për “Qytetarët” që kur iu bashkua nga Borusia Dortmundi vitin e kaluar, duke qenë një ndër lojtarët kryesor në fitimin e tripletës vitin e kaluar. Haaland tani do të ndjekë rekordin e Shirer për shënimin e 100 golave. Legjenda e të gjitha kohërave e Premier Ligës u desh të luajë 124 ndeshje për të shënuar kaq gola

LEXO EDHE:

Back to top button