Maqedonia do të zhvillojë dy miqësore me Kosovën

Kombëtarja e Kosovës U17 do t’i zhvillojë dy ndeshje miqësore me Maqedoninë e Veriut U17, në kuadër të përgatitjeve për kualifikimet e Kampionatit Evropian që zhvillohen në muajin nëntor.

Përballja e parë do të zhvillohet të mërkurën në stadiumin “Zahir Pajaziti” në Podujevë, në orën 16:00, derisa miqësorja e dytë më 8 shtator, në të njëjtin stadium, në orën 11:00. Lajmi konfirmohet nga Federata e Futbollit e Kosovës.

Kujtojmë se Kosova bën pjesë në Grupin e 9-të, ku janë të përfshira edhe Anglia, Kroacia dhe Ishujt Faroe. Ndeshjet e këtij grupi do të zhvillohen në Kroaci, më 3, 6 e 9 nëntor.