Margot Robbie u shfaq në tapetin e kuq me bizhuteri 3 milionë dollarëshe

Robbie është rikthyer në tapetin e kuq në një edicion që ndjek estetikën e Barbie, duke aluduar në rolin e saj që shënoi vitin 2023. Edhe pse ajo ishte nominuar për aktoren më të mirë në të gjitha çmimet kryesore të filmit, ajo nuk fitoi asnjë, madje as çmimin e lartpërmendur Screen Actors Guild (SAG), raportoi Daily Mail.

Pavarësisht kësaj, ajo edhe një herë bëri përshtypje me stilin e saj. Gjegjësisht, ajo është shfaqur me një fustan të zi të vogël, por në një edicion spektakolar, të paparë më parë. Për këtë event ajo zgjodhi një pjesë nga koleksioni i Schiaparelli-t, i cili është frymëzuar nga vitet tetëdhjetë dhe përputhet shumë me stilin rozë, joshëse të Barbie-t që aktorja ka promovuar muajt e fundit, që nga premiera e filmit Barbie.

Bëhet fjalë për një fustan të shkurtër dhe të thjeshtë prej kadifeje të zezë, i plotësuar nga një brez sateni rozë e lehtë me mëngë voluminoze. Edicionin e përfundoi me këpucë lounge klasike, të zeza, por edhe me bizhuteri të shtrenjta me vlerë gati 3 milionë dollarë, ndërsa në vathë, unazë dhe byzylyk në dorë mbante diamante gati 100 karatësh të punuar nga stilistja amerikane e bizhuterive Lorraine Schwartz.