Mario Baloteli gati të lë Sionin për Rapidin në Bukuresht

E ardhmja e sulmuesit italian Mario Balotelli mund të jetë në Rumani. 32-vjeçari, që aktualisht luan në Zvicër me Sion, mund të transferohet këtë verë te skuadra e Rapid Bukuresht, që drejtohet nga Adrian Mutu.

Sipas mediave rumune, klubi rumun ka nisur bisedimet me sulmuesin italian, duke u përpjekur që të arrijnë një marrëveshje. Mësohet se Balotelli kërkon 1 milionë euro në sezon si rrogë për të pranuar transferimin.

Balotelli ka ende edhe një vit kontratë me Sionin, ku erdhi verën e kaluar dhe në 17 ndeshje në kampionat ka realizuar 6 gola. Sulmuesi ka shëtitur mjaft skuadra gjatë viteve të fundit dhe karriera e tij humbi shkëlqimin e dikurshëm.