Marseja zyrtarizon trajnerin e ri, trajner italian në pankinën e francezëve
Gjiganti francez, Marsej ka zyrtarizuar trajnerin e tyre të ri. Bëhet fjalë për italianin Roberto de Zerbi, i cili do të zëvëndësoj francezin Zhan-Luis Gaset.
Zyrtarizimi i De Zerbit te Marseja, sigurisht që ishte e papritur, pasi që kishte zëra se mund të menaxhonte skuadra të mëdha si: Milan apo Bajern Munih.
De Zerbi, së fundmi ishte trajner i skuadrës së Brajtonit, ku ndihmoi skuadrën të kualifikohej në garat evropiane për herë të parë. Ai po ashtu menaxhoi skuadra si Shakhtar Donjetsk, Sasuolo, Benevento dhe Palermo. /IndeksOnline
