“Mbape duhet të përshtatet me Realin, e jo e kundërta”

Trajneri i Real Madridit, Karlo Ançelotit ka thënë se sulmuesi Kilian Mbape duhet të përshtatet me Real Madridin, pas transferimit të tij këtë verë. Sulmuesi francez nuk mori pjesë në turneun e Real Madridit në SHBA për shkak të përfshirjes së tij deri në fazat e vonshme në “Euro 2024” me Francën.

Megjithatë, Mbappe pritet të marrë minutazh kundër Atalantës në finalen e Superkupës së Evropës, por duhet folur përpara ndeshjes, Ançelotti ka thënë se francezi duhet të përshtatet me ekipin.

“Para së gjithash, ai do të sjellë cilësinë e tij, si dhe qetësinë, qëndrimin dhe përkushtimin e tij. Ai do të duhet të përshtatet me këtë ekip siç kanë bërë të gjithë”, ka thënë fillimisht Ançeloti.

“Ne jemi shumë të lumtur që ai është këtu sepse ai ka cilësi të mëdha dhe – jam i sigurt, duke pasur parasysh personalitetin e tij – ai do të përshtatet shpejt. Të gjithë në Real Madrid janë shumë të lumtur që ai është këtu: tifozët, klubi, lojtarët, shokët e skuadrës, trajneri. Ne të gjithë jemi shumë të lumtur që ai është këtu”, përfundoi trajneri i “Los Blankos”.