Mbi 1200 protesta anembanë SHBA-së – organizatorë besojnë se do të jenë më masivet kundër Trumpit dhe Muskut

Sot janë planifikuar protesta në të gjithë SHBA-në kundër presidentit Donald Trump dhe këshilltarit të tij, Elon Musk.

Më shumë se 1200 protesta me moton “Duart larg!” janë planifikuar nga më shumë se 150 grupe – përfshirë organizata për të drejtat civile, sindikata, veteranë, aktivistë për zgjedhje të drejta dhe mbrojtës të të drejtave të komunitetit LGBT+.

Kjo përfshin një protestë të planifikuar në National Mall në Washington, si dhe vende të tjera në të 50 shtetet amerikan, shkruan skynews.

Protestat janë kundër veprimeve të Trumpit duke përfshirë zvogëlimin e vendeve të punës në qeverinë federale, menaxhimin e ekonomisë me tarifat e fundit si dhe disa çështjeve të tjera.

Musk ka luajtur një rol kyç në administratën e dytë të Trumpit, duke udhëhequr përpjekjet për të zvogëluar qeverinë federale si kryetar i Departamentit të Efikasitetit të Qeverisë (DOGE), të krijuar së fundmi.

Ndryshe, organizatorët shpresojnë se demonstratat e sotme do të jenë më të mëdha që nga rikthimi në pushtet i Trumpit.