Mbretëresha Elizabeta kërkon ekspert për Instagram, ja sa është paga
Mbretëresha britanike Elizabeta e Dytë kërkon person i cili do ta menaxhojë profilin e saj në Instagram për pagë prej 27.000 funte në vit, theksohet në konkursin e shpallur në ueb faqen e Mbretërisë.
Në njoftim thuhet se kandidati do të menaxhojë porositë e Pallatit Buckingham në rrjetet sociale, ndërsa kërkohet që kandidatët të kenë “talent për kreativitet” dhe”sy për dizajn”, raporton e përditshmja londineze “Sun”.
“Nuk do të keni dy ditë të njëjta. Do të keni mundësinë të përparoni në karrierën tuaj dhe të lini gjurmë në zemrën e këtij institucioni të famshëm”, thuhet në njoftim.
Konkursi është i hapur deri më 7 shkurt.