Me 1 Korrik zbulohet statuja e Princeshë Dianës, ceremonia bën bashkë vëllezërit William dhe Harry

24 vjet pas vdekjes së Princeshës Diana, William dhe Harry do të zbulojnë një statujë në kujtim të nënës së tyre. Kjo do të jetë hera e parë që dy vëllezërit do të ribashkohen pas varrimit të Dukës së Edinburgut pak muaj më parë. Ceremonia e zbulimit do të bëhet më 1 korrik – kur Diana mbush 60 vjeç – në Kopshtin Kensington, shtëpia e Princit William dhe familjes së tij.

Skulptori i zgjedhur për të krijuar statujën është Ian Rank-Broadley, i cili pikturoi bedelin e Elizabetës II në monedhat britanike. Ngjarja do të ndiqet nga princat, Dukesha e Kembrixhit dhe disa nga të afërmit e Dianës, por për shkak të kufizimeve prej pandemisë, lista e të ftuarve është zvogëluar ndjeshëm.

Princat William dhe Harry, kur njoftuan për herë të parë planin e tyre, thanë se shpresonin që monumenti të lejonte njerëzit të reflektonin mbi jetën dhe trashëgiminë e saj. Kjo ceremoni vjen në një kohë ku tensionet mes familjes mbretërore me Harry-n dhe Meghan Markle janë rritur dhe nuk dihet nëse kjo e fundit do të marrë pjesë. /abcnews.al