“Mendojnë se u plaka, por nuk kam ndërmend të tërhiqem”

Trajneri i Romës, Hoze Murinjo nuk ka dyshime për të ardhmen e tij. Në një prononcim të dhënë së fundmi për mediet italiane, tekniku portugez theksoi se për faktin se ka shumë vite si trajner njerëzit e mendojnë të vjetër, por shtoi se ka ende edhe shumë punë përpara.

“Unë nuk jam gati për të mbyllur. Unë kam qenë në futboll për shumë vite dhe njerëzit mendojnë se është më shumë i vjetër se unë. Ndoshta ata i shohin flokët e mi të bardhë dhe mendojnë se jam plakur, por nuk jam aq i vjetër sa të mendoj ta mbyll. Do të më shihni edhe për shumë vite të tjera,” tha Murinjo.