Mercenarët kosovarë? Gërvalla: Putin gënjen si Millosheviqi dhe Vuçiqi
Kryediplomatja e Kosovës, Donika Gërvalla, ka reaguar ndaj presidentit rus, Vladimir Putin, i cili deklaroi se mercenarë nga Kosova po luftojnë në Ukrainë.
Gërvalla e ka quajtur gënjeshtar dhe kriminel lufte Putinin, njofton Klankosova.tv.
Ajo thotë se Putin po përpiqet të shpërqendrojë opinionin nga gjenocidi i tij në Ukrainë, teksa shton se kjo lojë dihet nga Millosheviqi dhe Vuçiqi.
“Nuk ka mercenarë të Republikës së Kosovës. Krimineli i luftës Putin po përpiqet të shpërqendrojë nga lufta dhe gjenocidi i tij kundër Ukrainës duke bërë luftë propagandistike. Ai po gënjen, përsëri. Ne e dimë atë lojë, nga Millosheviqi te Vuçiq. Kosova qëndron me krenari me Amerikën, Bashkimin Evropian dhe Ukrainën, kundër kriminelëve të luftës”, ka shkruar Gërvalla në Twitter.
There are no 🇽🇰 mercenaries. War criminal Putin is trying to distract from his war and genocide against 🇺🇦 by waging propaganda war. He’s lying, again. We know that game, from Milošević to Vučić. 🇽🇰 proudly stands with 🇺🇦🇺🇸🇪🇺, against war criminals. pic.twitter.com/7tw1Z75l19
— Donika Gërvalla-Schwarz (@gervallaschwarz) March 5, 2022
