Merkel thirrje gjermanëve të votojnë pasuesin e saj

Kancelarja Angela Merkel në fjalimin e fundit në parlamentin gjerman i kërkoi qytetarëve të votojnë për kandidatin e partisë ku ajo bën pjesë.

Merkel tha se ‘bëhet fjalë për vendimet e vërteta ekonomike të cilat do të përcaktojnë të ardhmen e këtij vendi dhe numrin e vendeve të punës’.

“Kjo është arsyeja pse, zonja dhe zotërinj mënyra më e mire për të ecur përpara është një qeveri e udhëhequr nga Armin Laschet. Qeveria e tij do të luftojë për stabilitetin, besueshmërinë, moderimin dhe ekuilibrin që është pikërisht ajo për të cilën ka nevojë Gjermania”, tha Merkel.

Kancelarja gjermane do të japë dorëheqjen pas zgjedhjeve federale më 26 shtator.

Në fjalimin e saj, Merkel kritikoi kandidatin e partisë kundërshtare për përdorimin e termit “derra” për të përshkruar njerëzit e vaksinuar kundër COVID-19.

Nga një rrogë mujore prej 25 mijë eurosh si kancelare, Merkel do të përfitojë një pension prej 15 mijë eurosh kur të lërë postin.