Mesfushori kosovar nga Barcelona te Vilareali

Mesfushori nga Kosova, Labinot Kabashi, raportohet se karrierën do ta vazhdojë në Spanjë, te skuadra e Villareal. Sipas raportimeve të fundit, Kabashi fillimisht do t’i bashkohet Villarrealit C, që garon në ligat e ulëta të Spanjës. Qëndrimi te kjo skuadër mund të zgjas përkohësisht, nëse Kabashi qëndron mirë me përgatitjet fizike, që do t’i mundësonin kalimin te Villarreal B.

Kosovari 20 vjeçar ka qenë për disa vite pjesë e grupmoshave të Barcelonës, teksa ka pasur edhe një klauzolë lirimi deri në 40 milionë euro. Kabashi ka qenë i ftuar edhe te Kombëtarja e Kosovës si 16 vjeçar, por nuk ishte paraqitur.