Mësohet arsyeja pse Pele nuk luajti kurrë për një klub evropian, Real Madridi e donte atë gjatë kulmit të karrierës

Të enjten, Pele fatkeqësisht vdiq në moshën 82- vjeçare pas një beteje të gjatë me kancerin e zorrës së trashë.

Ikona e Brazilit do të njihet gjithmonë si njëri nga futbollistët më të mëdhenj që ka hijeshiuar ndonjëherë këtë sport, pasi ka luajtur për klubin dhe vendin.

Ai shënoi shumë gola për Santos dhe fitoi tre Kupa Bote me Brazilin.

Natyrisht, heroizmat e tij për Brazilin tërhoqën shumë interes nga klubet elitare evropiane, me Realin dhe Napolin të prirur për të ‘kapur’ sulmuesin brazilian.

Por, Pele nuk arriti të sigurojë një lëvizje në një klub të madh evropian gjatë karrierës së tij të historisë. Megjithatë, kjo ishte jashtë zgjedhjes.

Ai pretendon se ishte ‘shumë afër’ nënshkrimit për gjigantët spanjollë dhe më pas ‘një herë’ me Napolin, i cili, natyrisht, mburrej me ikonën e tij Diego Maradona nga viti 1984 deri në 1991.

Ndonëse Pele nuk është penduar që nuk luajti në Evropë, sepse Santos ishte fuqi në atë kohë dhe ai po shijonte kohën e tij në Brazil.

“Ka pasur shumë raste kur isha shumë afër nënshkrimit me Real Madridin, dhe më pas edhe një herë me Napolin në Itali”, kishte thënë fillimisht Pele.

“Nuk është për keqardhje. Unë isha në Santos dhe në atë kohë ata ishin një skuadër e fuqishme”.

“Unë nuk luajta jashtë Brazilit sepse isha shumë, shumë i lumtur në Santos, kalova 15-20 vitet më të mira të jetës sime atje. Kisha shumë propozime të tjera dhe jo vetëm nga Real Madrid, por Isha mirë ku isha”, përfundonte braziliani.

Pele përfundimisht u largua nga Santos pas 19 sezonesh të mira për t’u bashkuar me Neë York Cosmos në NASL për sezonin 1975.

Ai luajti dy sezone në Shtetet e Bashkuara, duke shënuar 37 gola përpara se të largohej nga futbolli.

Sikur Pele të kishte nënshkruar për një klub evropian, atëherë padyshim që ai do të kishte shënuar një numër marramendës golash. Është për të ardhur keq që ai kurrë nuk u transferua në Evropë, por trashëgimia e tij është vënë në gur pas suksesit të tij ekstrem në Santos dhe Brazil.