Meta: Të krenohemi me Shën Terezën

Presidenti i Shqipërisë Ilir Meta këtë të martë ka nisur vizitën e tij zyrtare në Republikën e Maqedoninë e Veriut.

Presidenti Meta përmes një postimi në rrjetin social Facebook ka dhënë një mesazh ku bën thirrje që të jetësohet e mbahet gjallë vepra e Nënë Terezës.
Kreu i shtetit shqiptar në postimin e tij shkruan se e ka nisur vizitën pikërisht me nderimin më të madh ndaj shembullit frymëzues dhe humanizmit të Shenjtores së madhe të kombit shqiptar dhe mbarë njerëzimit, Nënë Terezës.

“I lumtur të nis zyrtarisht vizitën time në Maqedoninë e Veriut, me nderimin më të madh ndaj shembullit frymëzues dhe të përjetshëm të dashurisë në veprim, solidaritetit dhe humanizmit të Shenjtores së madhe të kombit shqiptar dhe mbarë njerëzimit, Nënë Terezës.

Të krenohemi me Shën Terezën vetëm duke jetësuar dhe mbajtur gjallë veprën dhe mesazhet e saj të mençura plot shpresë dhe dashuri për jetën dhe njeriun!”, shkruan Meta.