Mickoski: Ligji për lojërat e fatit është gati, do t’u japë fund lojërave ilegale

Do të mbyllen 173 kazino online. Autoritetet bëjnë thirrje tek të gjithë përdoruesit në faqet ilegale që sa më shpejt të tërheqin të gjitha paratë e depozituara dhe të mos bien pre e emaileve të rreme që marrin nga këto faqe. Kryeministri Hristian Mickoski deklaroi sot se ligji për lojërat e fatit është gati dhe shpreson që do t’u japë fund lojërave ilegale.

“Ligji i lojërave të fatit pas përpunimit disamujor dhe harmonizimit të tij është gati, pres që këtë muaj të jetë i plotë, ta kalojë Qeveria procedurën qeveritare, më pas të kalojë në Kuvend, do të ketë shumë ndryshime, shumë risi dhe pres që ky lloj i klubeve me aparate, të ulet pas miratimit të ligjit”, deklaroi Hristian Mickoski- kryeministër. /Alsat.mk