Mickoski: Temat politike që lidhen me numra dhe përqindje kanë mbaruar, tani duhet të vendosim se çfarë duam

“Temat politike që lidhen me përqindje, me numra, me të drejtat etj., kanë mbaruar. Dhe askush nuk duhet ta përmendë ose debatojë për këtë. Është një e drejtë e fituar dhe ka mbaruar”, tha kryeministri Hristijan Mickoski në përgjigje të pyetjes në lidhje me fjalimin e tij në Kuvend, kur përmendi mundësinë e kryerjes së një regjistrimi elektronik të popullsisë në vend.

“Ne duhet të kryejmë një regjistrim elektronik të popullsisë për arsyen e thjeshtë se duhet të dimë se çfarë kemi, sipas kritereve të përcaktuara nga Eurostat. Unë nuk thashë se do ta bëjmë. Ndoshta do të jetë përsëri punë në terren, ndoshta jemi shumë të pasur dhe kemi para për të shpenzuar për një regjistrim në terren. Por, do ta përsëris, regjistrimi nuk duhet të jetë një temë politike. Temat politike që lidhen me përqindjet, numrat, të drejtat etj. kanë mbaruar. Dhe askush nuk duhet ta përmendë ose debatojë këtë. Është një e drejtë e fituar dhe e përfunduar. Ne kemi nevojë për numra realë për të ditur se si ta zhvillojmë vendin. Kur përmenda regjistrimin elektronik, e përmenda atë bazuar në një pyetje nga një anëtar i Parlamentit të Maqedonisë që erdhi si rezultat i vendimit të Gjykatës Kushtetuese për të anuluar metodologjinë e përdorur në regjistrimin e fundit. Nëse ajo metodologji nuk funksionon, ne në fakt po punojmë me të dhëna nga viti 2002… duhet të vendosim se çfarë duam, nëse do të angazhohemi në politikë etnike apo në arsye”, tha Mickoski. /Alsat.mk