Milani nuk heq dorë, dërgon ofertë zyrtare për Ardon Jasharin

Gjiganti italian madje e ka bërë një ofertë zyrtare te Klub Brugge për yllin kosovar të Zvicrës. Për të arritur deri tek mesfushori kreativ, “Kuqezinjtë” e kanë vënë në dispozicion një ofertë prej 27 milionë eurosh në tavolinë, plus 3 milionë euro shtesë nga bonuset.

Natyrisht, kjo shumë nuk ka gjasa t’i kënaq drejtuesit e klubit belg, i cili i kërkon së paku 40 milionë euro për lojtarin më të mirë të vitit në Superligën e Belgjikës. Sidoqoftë, në Itali besojnë se marrëveshja mund të mbyllet midis 30 dhe 35 milionë euro.

Mediat italiane besojnë se trajneri Masimiliano Allegri e ka bërë Jasharin si prioritetin e tij në afatin kalimtar të verës. Mbetet të shihet se si do të reagojë Klub Brizh pas ofertës zyrtare që ia nisi sot Milani.