Milani vihet pas sulmuesit të Salzburgut

Sipas mediave në Itali, skuadra e Milanit është vënë pas sulmuesit të Salzburgut, Patson Daka. Mediat raportojnë drejtuesit kuqezi kërkojnë me patjetër një sulmues për një sezon të ri dhe si objektiv kryesor shihet sulmuesi nga Zambia.

Drejtuesit e Milanit kanë gati ofertën prej 25 milionë euro. kujtojmë se sulmuesi nga Zambia ka shënuar 23 gola në 19 ndeshje këtë sezon në Bundesligën austriake, ndërsa sezonin e kaluar 24 gola në 31 ndeshje. Kartoni i tij vlerësohet rreth 25 milionë euro dhe këtë shifër është gati ta paguajë Milani.