VIDEO / Mirlind Daku shënon golin e katërt në 5 ndeshje për Rubin Kazanin

Mirlind Daku është padyshim njeriu i momentit te Rubin Kazan. Sulmuesi i kombëtares së Shqipërisë ka gjetur sërish rrugën e rrjetës në Rusi, kësaj radhe kundër Akron Togliatti.

Në minutën e 90’ të takimit, pas një krosimi në zonë, topi ngeli në rrëmujë dhe Daku u ndodh në vendin e duhur, në kohën e duhur për ta shtyrë drejt portës, që kaloi dhe vijën fatale. Ky ishte goli i përmbysjes për Rubinin, që në fund siguroi tre pikët, pikërisht falë Dakut.

ГОООООООЛ! 2:1! 🔥🔥🔥

Все-таки затолкал мяч в ворота Мирлинд Даку 👊🏻#АкронРубин 1️⃣:2️⃣ pic.twitter.com/hrqvathycR

— «Рубин» Казань (@fcrk) August 19, 2024

Kështu 26-vjeçari shqiptar shkon në kuotën e katër golave, pas 5 ndeshjeve të luajtura, duke u renditur i dyti në garën e golashënuesve në Rusi dhe gjithashtu ka bindur drejtuesit e Rubin Kazanit, të cilët në verë tentuan ta shisnin.