Mitreski: Zgjidhje për problemin me shtetësinë, në kuadër të standardeve ndërkombëtare

Zgjidhje për personat pa shtetësi patjetër të ketë, por ajo duhet të jetë në pajtim me standardet ndërkombëtare, tha në emisionin e sotëm “200” në Alsat M, Jovan Mitreski nga LSDM-ja qeveritare. I pyetur për mënyrat e zgjidhjes së problemit të personave pa shtetësi, Mitreski thotë se një nga sfidat është ligji për leje qëndrimi.

Nuk mundemi të kemi zgjidhje sistemore të kësaj çështje, 5 vjet t’i ulim në 3, sepse del që ligji për qëndrim të jetë më i fuqishëm se ligji për shtetësi. Problemi sistemor është nëse qytetarët kanë pasur ndërprerje në rregullimin e qëndrimit për një apo dy ditë, rastet më të shpeshta janë kështu, dhe në evidentimin sistemor del se nuk kanë qëndrim të vazhdueshëm prej pesë viteve”, thotë Mitreski.