Обезбеден лекот за конго-кримската треска

Обезбеден е лек за конго-кримската хеморагична треска, а болничарката на инфективната клиника е во стабилна состојба. Оваа информација ја потврдија од Инфективната клиника во Скопје.

Advertisements

„Веднаш го набавивме овој лек. Многу ретко се наоѓа, го има само во земји во кои има голем број на разболени пациенти. Искрено се надевам дека нема да имаме таква состојба за да го искористиме. Но, ако ни треба и тој лек го имаме. Лекот се дава само во ситуација, кога се нема друг избор, при исклучително тешка клиничка слика“, вели Милена Стевановиќ, директорката на Инфективната клиника.

Таа објасни дека станува збор за антивирусен лек што се дава и се користи при различни вирусни инфекции. Додава дека заразената пациенкта е стабилна и се следи.