Годинава рекорден број вакцинирани лица против сезонски грип

Годинава рекорден број лица се пријавиле за бесплатна вакцинација и се вакцинирале против сезонски грип, покажуваат податоците на Управата за електронско здравсто, соопшти на денешната прес-конференција, заменик-министерот за здравство Јовица Андовски денеска. Имено, преку апликацијата vakcinacija.mk, досега биле пријавени 75 712 лица и биле вакцинирани 66 674 граѓани.

Advertisements

„Ова е рекорден број пријавени и вакцинирани лица кои сакаат да се заштитат од посериозни компликации од сезонскиот грип. Статистиката покажува дека, од вкупниот број вакцинирани, речиси 42 илјади се лица над 65 години, 21 784 се лица со хронични заболувања, 2 334 здравствени работници, како и 29 деца на возраст од 6 месеци до 5 години и 24 бремени жени“, појасни Андовски.