Лукаревска: УЈП со раст на приходите во последните неколку години
Приходите на Управата за јавни приходи (УЈП) се во пораст споредено со последниве неколку години, вели во своето вечерашно гостување во емисијата „360 Степени“ на Алсат, директорката на УЈП и заменик претседателка на СДСМ, Сања Лукаревска. Како што рече таа, планот е исполнет и за 2020-тата, која важи за година на пандемијата.
„Имаме раст на приходите. И во споредба со 2021 и во споредба со 2020 и во споредба со 2019. Многумина ќе речат – зошто се споредувате со 2020, бидејќи таа беше година на короната, меѓутоа и тогаш имавме одредени состојби во буџетот. И кај добивката и кај ДДВ-то и кај данокот на личен доход имаме натфрлање на планот којшто е во рамки на Управата плус она што значи исполнување на буџетот согласно критериумите“, рече Лукаревска.
