„Нечиста крв“, многу прашања остануваат неодговорени
Семејствата на пациентите, кои ги загубија животите за време на пандемијата на корона вирусот на Клиниката „Жан Митрев“, се во исчекување на разрешница – и да сфатат што правеле институциите кога нивните најблиски биле дел од т.н. лекарска студија, без нивно знаење. Според истражувањето на ИРЛ, постои сомнеж дека хемофилтрацијата на крв е причина за десетици смртни случаи од клинички инфекции. На конференцијата за медиуми на надлежните органи се зборуваше многу, но ништо не беше кажано за да се објасни на јавноста зошто „Жан Митрев“ ја пропагираше хемофилтрацијата како спасувачка, а таа не беше препорачано од СЗО.
„Доколку жалбата е од финансиска смисла, имате Финансиска полиција која можете да ја активирате и да кажете поради финансиски причини! Доколку хемофилтрација е 500 денари никој немаше да се жали. Дали се направени експерименти, ќе видиме! Денес има состанок на телото на експерти што го формиравме за да го докажеме тоа. Дали е постапувано пред време, ќе докажеме. Дали имало интро-болнички инфекции, може да се докаже. Дали ги известиле, ќе видиме“, рече Сали.
Од Здравствениот инспекторат соопштија дека на клиниката „Жан Митрев“ за две години од пандемијата имало 9 контроли, но директорката Ирина Сотирова-Бухова не покажа што било констатирано во вонредната инспекција претходниот ден.
„Имавте две години, зошто дозволивте да се направи експеримент со живи луѓе, со нивните животи и тоа скапо беше платено. Дали требаше новинарите или медиумите да го активираат синџирот, како што вели госпоѓата, или некој од вашите институции сами да ја покренат иницијативата, за работата за која секој ден сте платени. Зошто чекавте две години и дозволивте да изгубиме стотици луѓе, па потоа да видиме кој е виновен?, праша новинарот на Алсат.
Клиниката Жан Митрев вчера имаше рок да ја достави документацијата до Агенцијата за лекови „Малмед“ за тоа кој им дозволил и зошто го направиле експериментот со пациентите, кој се покажа фатален.
„Не очекувајте истражни дејствија од инспекторите на Малмед, кои се службеници и кои работат врз основа на документите што им се дадени. Ако спроведеме клиничка студија? Или имало согласност, или не! Или го почитувавме протоколот или не! Или има изјави потпишани од пациентите или нема! Дилемата е дали имало клиничка студија без одобрение или не! Дали се користеше за време на пандемијата како злоупотреба, ни треба малку време да утврдиме“, рече Лирим Шабани, директор на Агенција за лекови „МАЛМЕД“.
Доколку сомнежите покренати во јавното мислење се утврдат од страна на Јавното обвинителство, Жан Митрев може да биде казнет со најмалку 50 илјади евра, да му се одземе лиценцата за работа, а Клиниката да биде затворена.
Аднан Ќаили
