Донфрид: Косово и Србија мора да ја завршат напорната работа

Американскиот помошник државен секретар за Европа и Евроазија Карен Донфрид изјави дека Косово и Србија треба да донесат тешки одлуки и дека САД и ЕУ сакаат да им помогнат и да ги поддржат во тоа. „САД и Европската унија не се обидуваат да наметнат решение за односите меѓу Косово и Србија, туку да им помогнат да донесат тешки одлуки“, рече Донфрид во интервју за Гласот на Америка на албански јазик.

Advertisements

Американскиот функционер посочи дека постои можност земјите од Западен Балкан да напредуваат на патот на евроатлантските интеграции. „Ние ќе бидеме со нив, но можеме само да помогнеме и да се обидеме да ја обезбедиме таа иднина, а Косово и Србија треба да направат напорна работа“, додаде таа.