Ахмети контра Заев: Опозицијата треба да е критичар на власта

Лидерот на коалицискиот партнер во власта, ДУИ, Али Ахмети, изрази несогласување со ставовите искажани од премиерот Зоран Заев во кои ја отвори можноста опозицијата да стане дел од власта. На новинарско прашање во врска со предлогот на премиерот Заев, Ахмети оценува дека улогата на опозицијата е да биде критичар на власта.

„Опозицијата ги дава своите забелешки, дури и ако не се на место, бидејќи тоа е улогата на опозицијата, не само кај нас, туку и во сите напредни земји“, рече Ахмети.