Ахмети: Не е покрената иницијатива за уставни измени

Изјавата на лидерот на ВМРО-ДПМНЕ, Христијан Мицкоски, дадена во минатонеделното издание на емисијата „Пат кон“ на Алсат, повторно покрена дебати за уставната положба на Албанците во Република Северна Македонија. Мицкоски, како и СДСМ се согласува дека албанскиот јазик и правата на Албанците не треба да се третираат како јазик и народ од 20 проценти и оти за тоа потребни се уставни измени, но според Фатон Ахмети од ДУИ, засега нема таква иницијатива.

„Досега таква иницијатива не е покрената, но ние како политички субјект сме свесни и сме промотори за тоа што во првиот момент кога ќе се отвори Уставот за одредени измени, во тој момент ќе се вклучи и ова“, вели Ахмети.