Ако сакате да подготвите нешо едноставно, а вкусно обидете се со овој рецепт.
Потребно:
- 5 јајца
- 200 гр шеќер
- 1 филџан масло
- 2 дл млеко
- 200 гр брашно
- 1 пециво
- 2 лажици какао ( или чоколадо во прав)
- + 359 гр шеќер
- + 1 чаша млеко
Постапка
Пандишпан:
Ги двоиме белките од жолчките.
Жолчките ги матиме со шеќерот (200гр). Потоа го додаваме масло, млекото, брашното, пецивото и матиме, а на крај се додава и какаото.
Печеме во загреана рерна на 200′.
Од кога ќе се испече се лади пандишпанот и се полева со една чаша млеко.
Фил:
Ги матиме белките да станат како снег. Во тенџере го ставаме шеќерот (350гр) и додаваме вода, но многу малку, колку да се натопи. Се вари се додека не се направи шербет. Откако ќе биде готов шербетот полека со матење го додаваме во белките и матиме уште 7-8 минути за убаво да се соединат.
Над пандишпанот го додаваме филот. Над филот декорираме со топенo чоколадо, какао, чоколадо во прав, може и со сезонско овошје.
Но, мојот избор секогаш е топено чоколада бидејќи е највкусно.