Али Ахмети „на пеглање“ кај холандскиот амбасадор

Амбасадорот на Холандија, Дирк Јан Коп, денеска се сретна со првиот човек на ДУИ, Али Ахмети. Според соопштението од амбасадата, јасно му порачал дека политичкото влијание врз претседателката на Врховниот суд и нејзиното можно разрешување е неприфатливо и ќе предизвика силна реакција на Холандија.

„Непотребното политичко влијание врз позицијата на претседателот на Врховниот суд, што е судска работа е неприфатливо и ќе предизвика силна реакција од Холандија“, нагласил амбасадорот.

Во меѓувреме, Судскиот совет соопшти дека Дисциплинската комисија го подготвила извештајот за покренатата постапка против Беса Адем и истиот е доставен до претседателката на Советот, Весна Дамева. На една од следните седници ќе биде ставен на дневен ред./Alsat.mk