Алијанса: „Фридом хаус“ ги потврди сите наши предупредувања за владеењето на СДСМ и ДУИ

„Фридом хаус“ ги потврди сите наши наводи и предупредувања во владеењето на СДСМ и ДУИ, реагираат од Алијанса за Албанците. Според нив, благодарение на постапките на актуелната Влада, државата останува на истата позиција како во времето на Никола Груевски. Од Алијанса за Албанците наведуваат дека земјава изминатите 10 години е во групата од четири земји кои паднаа од демократски во хибриден режим, заедно со Унгарија, Црна Гора и Србија. Од Алијанса за Албанците наведуваат дека други земји во регионот, како што е Косово, постигнаа напредок.