Се подготвува нов закон за извршување. Ранливите категории на граѓани парите за социјална помош, или друга финансиска помош од државата да ја добиваат на посебна сметка. На тој начин извршителите нема да може да ги земат тие пари доколку граѓанинот има извршно решение за наплата на долг. Во вечерашниот Економски магазин на Алсат – жестока дебата помеѓу активистите и извршителите.
„Денеска граѓаните имаат извршна постапка а вие ги чувате во фиока да расте каматата. Затоа ако се смрзне каматата уште 1000 денари, ви велат вистина е, граѓаните пак за 1000 денари плаќаат 9000 денари. Ништо не сме направиле, какви измени, какви глупости. Граѓанинот не го интересира дали господинот Станковиќ ќе направи извршна постапка или не. Да си работи за плата во судот долг од 1000 денари ќе плати 1500 и сите ќе живееме мирно“, вели Марјан Ристески, активист.
„Каматата кога ќе дојде кај извршителот по правило таа течела извесно време. Извршителот штом ќе го прими предметот, секоја канцеларија различно , но по правило по еден, два, три, до четири дена тој ќе го пушти налогот до должникот“, рече Гордан Станковиќ, извршител.
