Аналитичарот Благојче Атанасовски предупредувањата за можна дестабилизација ги гледа повеќе како политичка пресметка меѓу ВМРО и ДУИ отколку реална закана

Политикологот Благојче Атанасовски предупредувањата на премиерот Христијан Мицкоси ги оценува како сериозни, но ги гледа како политичка пресметка меѓу ВМРО-ДПМНЕ и ДУИ. Потсетува дека Али Ахмети веднаш по изборите најави протести, додека доколку одат во насока на дестабилизација мора да се информираат надлежните институции.

Според Атанасовски, Северна Македонија е членка на НАТО и би било многу несериозно да се справуваме со каква било политичка и психолошка војна меѓу политичките партии, кога би се проширил и страв меѓу населението.

„Лично, мислам дека тоа се претерани изјави во ситуација кога целиот свет се справува со руската воена агресија во Украина и војната во Палестина, Појасот Газа, настаните на Блискиот Исток. Мислам дека е несериозно ние како членка на НАТО да даваме такви изјави, кои едноставно можат да го дестабилизираат јужното крило на НАТО или поширокиот регион на Западен Балкан“, рече Благојче Атанасовски политколог.

Инаку, предупредувањата за дестабилизација на државата од страна на раководството на ДУИ, доаѓаат во момент кога новата влада најави дека ќе поднесе тужба за незаконските прекршувања констатирани во институциите. Од друга страна, ДУИ продолжува да го оспорува учеството на ВЛЕН во владата, тврдејќи дека тие се легитимни претставници на албанскиот политички табор./Алсат.мк

Суад Бајрами