Андреева: На бизнисот му треба предвидливост

Да не го гасиме пожарот кога веќе ќе избувне туку да направиме нешто со што ќе спречиме тој да се појави, вели во своето гостување во емисијата „Економски Магазин“ на Алсат, Александра Андреева, потпретседателка на Сојузот на стопански комори. Говорејќи на темата енергетика и енергетска криза, Андреева ја истакнува важноста од предвидливоста во бизнис секторот.

„Да не го гасиме пожарот кога веќе ќе избувне туку да направиме нешто со што ќе спречиме тој да се појави. Имаме експерти во државата, имаме Комори, коишто стојат ан располагање за однапред предвидување и планирање на идните чекори. Како што Владата сака да носи планови за развој во наредните 5 – 10 години, се прават планови за финансиски развој, така и бизнисите истото го сакаат, да можат да ги планираат нештата со кои ќе се соочат и да може да ги планираат своите текови“, рече Андреева.