Џек Грилиш и Трент Александер-Арнолд нема да му бидат на располагање на Герет Саутгејт за претстојните квалификации за Европското првенство. Двајцата играчи се повлекоа поради повреди.
Џек Грилиш викендов не играше за Манчестер Сити во нивната победа од 5-1 над Фулам, додека Трент Александер-Арнолд беше заменет по проблем со препоните во победата на Ливерпул над Астон Вила од 3-0.
Во оваа репрезентативна пауза Англија ја очекува квалификацискиот дуел со Украина и контролата со Шкотска. Англија во сабота ќе игра против Украина во Полска, а на 12. септември во Глазгов ќе игра против Шкотска. Герет Саутгејт најави дека нема да бара замени за Грилиш и Александар-Арнолд.
