Асани за Алсат: Две комисии не најдоа лекарска грешка

Еден од лекарите со кои контактираше Алсат, Мухамед Асани го негира обвинението на обвинителството, велејќи дека лекарскиот тим успеал да ги спаси животите на пациентите и дека тоа го констатирале две комисии, Лекарската комора и Министерството за здравство. Во меѓувреме, пациентката која настрада при породување, Јелдиз Веапоска во изјава за Алсат бара правда за нејзиниот случај. Таа вели дека лекарите не само што и го одзеле правото да раѓа, туку и го загрозиле и животот.

 „Секогаш сакав да имам уште едно дете, но многу е тешко кога знаеш дека нема да имаш уште едно дете, но да даде Господ овие две деца што ги имам да бидат добро“.

 Јелдиз Веапоска вели дека е во тешка психичка состојба, бидејќи отсекогаш сакале да имаат најмалку три деца, но вели дека овој дар од Бога лекарите и го ускратиле. Таа има 7-годишен син и 18-месечна ќерка Хејзел, која е родена ноќта кога Јелдиз се борела за живот и смрт. Јелдиз посакува ова да биде последен случај што и се случува на една мајка, но бара правда и лекарите да ја добијат заслужената казна.

 Гинекологот Мухамед Асани, кој е првоосомничен според обвинението, телефонски ни изјави дека не е запознаен со отворањето на случајот од страна на Обвинителството. Тој, пред две години беше директор на Струшката болница, кога се случи настанот, и признава дека ова обвинение е во спротивност со наодите на двете лекарски комисии.

 „Не знам врз која основа обвинителството покрена обвинителен акт, кога двете комисии: првата формирана од Лекарската комора, која е легитимен орган за проверка на вакви случаи и заклучокот беше дека нема лекарска грешка. Втората комисија беше од самиот министер, од Министерството за здравство, кој го потврди истото, односно дека нема лекарска грешка“, изјави Мухамед Асани, обвинет гинеколог

 Д-р Асани вели дека совеста му е чиста бидејќи успеал да го спаси животот на пациентот. Тој рече дека благодарение на работата на медицинскиот тим составен од двајца гинеколози, двајца хирурзи и двајца анестезиолози, Јелдиз денеска е жива. Потсетуваме дека по овој настан тогашниот министер Венко Филипче го разреши директорот Асани. /Алсат.мк

 Аднан Ќаили