Би-Би-Си: Одобрен за употреба првиот специјализиран лек против маларија за бебиња

Првиот лек против маларија развиен специјално за новороденчиња и многу мали деца доби официјално одобрение и наскоро ќе биде достапен во африканските земји, објави денеска Би-Би-Си.

Advertisements

Новиот лек се нарекува „Coartem Baby“, а го разви швајцарската фармацевтска компанија „Novartis“, во соработка со организацијата „Medicines for Malaria Venture“ (MMV).

Ова е прв пат да се развие третман специјално за бебиња со тежина помала од 4,5 килограми – група пациенти кои досега биле лекувани со лекови за постари деца, со висок ризик од предозирање.