Битиќи тврди: Ќе има државна помош за угостителите

Вицепремиерот за економски прашања Фатмир Битиќи, во вечерашното издание на емисијата „Економски магазин“ е категоричен дека државната помош за секторот за гастрономија нема да недостасува. Тој дури рече дека Владата ја прави последната анализа на моделот што ќе го примени и ги собира најновите податоци за прометот на компаниите од областа на гастрономијата, кои се засегнати од неодамнешните анти-ковид мерки на Владата.

Прашање: Можете ли да откриете кои ќе бидат тие мерки? Што можат да очекуваат компании кои сега се затворени, угостителски објекти.

„Ќе покриеме дел од изгубените приходи во овие две недели, од гастрономските капацитети. Ние правиме последни пресметки за тоа колкав ќе биде процентот на покриеност на загубата на приходот. Но, ова се случува за прв пат, модел што го применуваме, но сметаме дека тоа е модел што навистина ќе помогне малку во загубата што ќе ја имаат. Ќе ја споделиме загубата и со работодавачите и со нас како држава, сметаме дека ова е малку поправеден модел во даден момент“, рече Битиќи.