„Денеска се незадоволни и наставниците и учениците“

ВМРО-ДПМНЕ упати критики до власта за состојбите во образованието. Според македонската опозициска партија, СДСМ и ДУИ со години не можат да обезбедат учебници за децата. Од ВМРО велат дека ако власта беше европска за каква што се декларира, денеска на 1 септември, министерот за образование и наука ќе си поднесеше оставка, а Ковачевски ќе му ја прифатеше. „Денеска учебната година започна со многу проблеми. Фактот дека нема книги е само еден од најдлабоките проблеми во образованието. Наставниците не се задоволни од своите права, учениците се незадоволни од немањето книги, сите заедно не се задоволни што во образовната инфраструктура ништо не оди на подобро“, реагираат од ВМРО-ДПМНЕ. /Alsat.mk