Денеска се регистрирани 999 нови случаи на Ковид 19

Во последните 24 часа на национално ниво, од извршени 3.566 тестови, регистрирани се 999 нови случаи на Ковид-19. Регистрирани се 711 оздравени пациенти, пренесува Алсат. Пријавени се вкупно 21 починати лица. Од почетокот на пандемијата, во нашата земја се регистрирани вкупно 117.437 случаи со Ковид-19, од кои 99.837 се оздравени, а 3.424 починале. Земјава има 14.176 активни случаи со коронавирус.