Двајца од 7-те преживеани во несреќата во Бугарија пристигнаа во Скопје

Двајцата преживеани од трагедијата од 23 ноември се хоспитализирани на Ургентниот центар во Скопје, и ќе се третираат на Клиниката за пластична хирургија. Министерот за здравство Венко Филипче вели дека следната недела се очекува да пристигнат и другите преживеани.

„Тука сум за мојата внука, која има 16 години, има пластична операција на десната рака. Изгореници има на левата рака, и на челото“, изјави Реџаил Камбери, член на семејството.