Париз Сен Жермен на домашен терен ќе брка еден гол негатива против Борусија Дортмунд во реваншот од полуфиналето од Лигата на шампионите. Тренерот на „светците“, Луис Енрике, го најави натпреварот и кажа дека е уверен дека неговиот тим може да дојде до посакуваниот резултат и пласманот во финалето.
„Улогата на навивачите ќе биде важна исто како што ни беше цела сезона и знам дека сите ќе бидат зад нас. Во Дортмунд атмосферата беше неверојатна и го очекуваме истото на „Паркот на Принцевите“. Само една фраза знам на француски: „On va a gagner“ (Ќе победиме н.з.). Тренерот е лидер и тој мора да создаде самодоверба кај играчите. Работам секој ден за да дојдам до тоа. Идеата е да играме како на првиот меч и нема да го промениме нашиот менталитет“, изјави Луис Енрике.
Натпреварот меѓу ПСЖ и Борусија Дортмунд стартува во вторник со почеток од 21:00 часот. Првиот натпревар заврши со резултат 1-0 за „милионерите“ со голот на Никлас Фулкриг,