Изборот за песна на Евровизија 2023 година нема да може да се одржи во Украина поради тековната војна во таа европска земја, соопшти денеска Европската радиодифузна унија (ЕБУ), додавајќи дека е во преговори со Би-Би-Си за тој фестивал да се одржи во ОК.
„Украинскиот јавен радиодифузер не може да ги обезбеди безбедносните и оперативните гаранции потребни за домаќин и организирање и производство на Изборот за песна на Евровизија во согласност со правилата на Изборот за песна на Евровизија “, објави ЕСС денеска на Твитер, пренесува Ројтерс.
