Фетаи ја повлече кандидатурата за шеф на Вишото обвинителство

Поранешната обвинителка на Специјалното обвинителство, Фатиме Фетаи, преку електронска пошта го известила Советот на обвинители дека се повлекува од трката за шеф на Вишото обвинителство во Скопје.

Ова го потврди претседателот на Советот на обвинители, Антонио Јолевски, додавајќи дека, сепак, обвинителката ќе треба да биде сослушана за да се потврди дали го испратила мејлот. Изборот на шеф на Вишото обвинителство во Скопје е одложен за 21 ноември.

Со повлекувањето на Фетаи, во трка остануваат досегашниот прв човек на ова обвинителство Мустафа Хајрулаи и вишиот обвинител Бурим Рустеми.