ВЕСТИМАКЕДОНИЈА
Гласовите се преброени познат новиот лидер на СДСМ
Со освоени 37 649 гласови Димитар Ковачевски е избран за наследник на Зоран Заев на функцијата претседател на СДСМ по денешните втори внатрепартиски избори.
Неговите противкандидати, Фросина Ременски и Јован Деспотовски освоија 2 836 и 3 319 гласови.
По прогласувањето на победата Деспотовски изјави дека продолжува со својата активност и придонес како член на партијата и оти неговиот „Концепт 28“ продолжува да опстојува.
Фросина Ременски му се заблагодари на досегашниот лидер, Зоран Заев и упати честитки до новоизбраниот лидер Ковачевски. Ременски повика на сплотеност и апелираше да се послушаат сите позитивни и негативни критики од изминатиот период.