Големи временски промени во следните денови – лекарите предупредуваат
Синоптичарите најавуваат големи временски промени со разлика од повеќе од 20 степени Целзиусови за само 48 часа. Додека за време на викендот температурите ќе достигнат до 29 Целзиусови степени, за понеделник се предвидува нестабилно време со пороен дожд, засилен ветер и грмежи, кои на места ќе бидат во појава на како краткотрајно невреме. Во вторник температурите ќе се спуштат до минимални 2 Целзиусови степени, додека од четврток на одредени места ќе се спуштат дури и до минус 9 Целзиусови степени.
Докторите велат дека ваквите временски услови имаат големо влијание врз здравјето на пациентите.
Лекарите апелираат на внимателност, особено хронично болните да земаат терапија, помалку да излегуваат во природа, да го следат загадувањето на воздухот и да не излегуваат кога нивото на честички е високо.
Ајнур Бафќари
