Хода: Конкретно помирување во земјата не се случило, се случи тотален неуспех
Лидерот на ветераните на ОВК, Бесим Хода, во емисијата „200“ изјави дека конкретното помирување во Република Северна Македонија сè уште не се случило. Според него, за тоа најдобро сведочела засебната организација на настани по повод годишнината од војната. Според Хода, за да се постигне вистинско помирување, морало да се искористи белгискиот модел, каде војната меѓу Фламанците и Валонците биле третирана подеднакво од државата.
„За жал, имаше тотален неуспех отколку конкретно помирување. Бидејќи конкретното помирување се прави преку градење на институции што прават помирување. Конкретен пример е Белгија која имаше слична граѓанска војна помеѓу Фламанците и Валонците и по прекинот на таа војна се создаде заеднички музеј, каде што беше предадено целото оружје и таа војна се третираше подеднакво од државата, како војна каде главен виновник е Уставот на државата. Ова го докажа и војната во Македонија, бидејќи по војната се смени Уставот, тоа значи дека услов за прекин на непријателствата беше промена на Уставот и сега ќе се одржи манифестацијата за 20-годишнината од Охридскиот договор и конкретно конкретните партии прават комеморативни манифестации тотално разделени“, изјави Хода.
